pamilyang jumbo hotdog

alas 6:48 na sa kabuntagun...ugma nalang kay murag nagtuyok tuyok na akong panan-aw. matulog usa ko. tutuki nalang usa ang among picture sa pamilyang jumbo hotdog.

love of my life

kadtong nilabay nga mga adlaw gisulat nako diri mahitungod sa bag-o nako nga pag umangkon nga si baby chris barnes. busa naka huna-huna ko nga ipakita sab ngari ang uban pang mga bata.

magsugod ta sa kinamagulangan ug kinakusgang bata. ug muingon kag kinakusgan wa nay lain kundi si tintin. inig mangutana ka niya ug what is your name? mao ni iyang popular nga tubag "my name is kirstine moira menoza-dionela, i'm 5 years old.

inig ipaila-ila nimo siya dunay standard speil which will surely make her smile :) "si tintin akong pag-umangkon, third honor na siya ug naa siyay tulo ka stars"

ang first apo sa pamilya - pinalangga, gwapa, bratinella, echosa, dili mukaon ug gulay, chorizo iyang ganahan ug pakaonon nimo ug beefloaf kinahanglan prituhon jud. matud pa sa kadaghanan murag gihulma among dagway. gi pattern, gi xerox. true enough parehas jud mi ug kewong. ang kalagum iyang nakuha diri nako. hasta eyebags kopya pud ug labaw sa tanan parehas mi ug mga tudlo, ang mga tudlo nga nangangkang sama sa luy-a nga wa natarong ug porma. timailhan ba ni nga nag dumot iyang inahan nako samtang naglihi? bwahahaha! ! !

ambot unsang formula ang gigamit sa naghimo ug gatas karong panahuna nga at the age of 5 kabalo na siya mugamit ug cellphone nga de kamera, psp, dvd, internet. kadtong panahon nako murag wa pay advance formula ang liberty condensada.

saksi ko sa pagdako aning bataa. kadtong dos anyos palang siya mura siya ug bato ka bug-at in short certified membro sa jumbo hotdog nga pamilya ukay. mao-mao ra sila sa anak ni lito camo
(ang batang murag tikoy nga gipapilitan ug mata, tao na!)

apan sa wala damha kadtong nag edad siya ug lima ka tuig nihinay-hinay na siya ug kahiyos. nikalit ug transform ang bata nahimo ug angelica panganiban kids edition! hahaha!






now am wondering, duna pud kahay pangpaniwang ang formula sa Nido sama sa L-carnitine, fat burner ug uban pa? or concious lang si tintin nga ug mutambok siya ug balik dili na niya masuot ang iyang mga leggings ug skinny jeans? bisan unsa pay hitsura ug porma aning bataa she will always be my sweet little angel (angel in disguise - hahaha salbahis nga iyaan lols!)

baby chris barnes

april 23 at 6:59pm usa na pud ka dionela ang nadungag sa pamilya ang anak ni kuling nga si baby chris barnes.

aside from always the bridesmaid ko, always the ninang pud. nagpasabot ni nga nadugangan ang akong listahan karong umaabot nga pasko.

matud pa sa iyang mama ang iyang ngalan inukay kuno sa tangkungan hahaha! ang Chris Barnes gikuha sa ngalan sa vocalist sa bandang Six Feet Under. nakig lalis ko sa akong manghud nga kambyuhan ug Hermes Antonio (purbida ngilngi- ga o diba ngalan palang haciendero na hahaha) apan wala jud ilisi kay kuno dunay trend ang ngalan sa iyang anak ug ako haciendero iya banda rito banda roon. ang ilang eldest child nga si Diamond Darrell, ang ngalan gikan sa gitarista sa bandang Pantera, kanang bandang syagit-syagit ug sigeg patid-patid.

knowing nga gikan sa pamilyang jumbo hotdog, sa blue corner iyang timbang pag gawas kay to the tune of 9.2 lbs! wa naglisud ug labor akong sister in law kay usa ra ka oras kapin gikan pag abot sa ospital nanganak na siya. dili taas ang labor apan ang gisi horizontal, vertical ug curve aron lang mugawas ang bata ug maglikay sa cs. busa inig magbuntis palang ka ayaw patintal sa mga mananap nga mag sige ug hagad ug habhab labi na ug tungang gabii. ayaw pailad sa pansit, siopao, pan de pugon, bugnaw nga coke ug iced tea, ug labaw sa tanan buy one take one nga burger sa kanto holy cross. kay dili sila ang muutong para nimo kung dili ikaw ug ikaw ra gyud, dili matabang ug proxy! hahaha unya manganak paka?

inig imong tutukan ang bata dili na kinahanglan taurag ID, kay dagway palang daan dili na siya masaag. sa way pag duha-duha dionela jud dili ikalimud ! ! !

chema's by the sea

ang akong paboritong resort diri sa davao ang chema's by the sea.

nakita ni nako few years back nga na feature sa sports unlimited. so sa ka adik nako mag wadwad ug lawas pag uli nako ug davao ako dayung gisusi aron mahukman ug nindot ba gyud. sa una namong pagbisita via babak dili unta mi pasudlon kay bawal kuno ang walk-in clients. nanghangyo nalang mi nga palili-un nalang mi kay mao ray among gitabuk. sa among pag sulod sa resort true enough nindot gyud diay. ganahan ko ngari the fact nga gamay ra ang tao makawadwad ka ug lawas nga dili ka ma concious nga daghang mata nga nag tan-aw kanimo, ngano? parehas mong tanan nag 2piece bikini pud. limpyo, to the extent nga dunay staff nga ang iyang trabaho magpatag ra ug balas, yes you heard me right tigpatag ug balas si koya ! ! ! dili init diri sa chemas kay perting daghana ug punuan sa kahoy. sakto ra nga inig human nimo ug wadwad makatulog ka sa kabugnaw sa ilalum sa kahoy. hilum, malinawon buot pasabot way videoke sa palibut.

naay nindot nga infinity pool ug dili ka ganahan ug dagat. ayaw kabalaka kay ang gidak-on sa pool kay sakto ra aron makalangoy langoy ka dili murag platito kadaku hahaha. sa mga hakug ug tan lines ang ilahang sunbathing spots sakto kaayo nga mupagtong ka.

busa kung gusto mo magwadwad ug lawas mang-yawat ug tan lines sa chema's nalang mo. kinahanglan dunay budget kay mejo gastos. pakyawon ninyo ang bangka back and forth. bawal magdala ug baon sa ilaha mong resto mukaon. ayaw kabalaka kay barato ra ang pagkaon. aside sa entrance fee bayran pa ninyo ang nipa hut.

so suma tutal sa inyong gastusan:
1. taxi gikan balay padong sa waterfront hotel (terminal sa bangka)
2. bangka - waterfront - chemas - waterfront
3. nipa hut
4. pagkaon - suggestion pag baon nalang ug skyflakes ug tubig tutal ang imong adtuon kay dili man habhab kundi wadwad (applicable ra ni sa mga adik ug wadwad nga sama nako)






ayaw kalimut, kinahanglan mag pa reserve daan kay dili sila gadawat ug walk-in clients.

Chema's by the Sea Resort
Location: Davao City Samal Island
Tel: (082) 3030235
Mobile: 0917-8140814
Website: http://chemas.multiply.com